陳煒挑戰失婚母撻着陳展鵬
被稱「亞視三寶」的陳展鵬、陳煒及袁文傑先後加入無綫，相隔10多年終再度聚首合作，於月底開拍新劇，劇中展鵬與陳煒因磨擦產生愛火，再次飾演母親的陳煒更有個14歲兒子，笑言是新挑戰。
陳展鵬、陳煒與袁文傑10多年前在亞視共事，合作過不少節目及劇集，現時3人都成為無綫的親生仔女，月底終有機會再度合作，開拍新劇《黯夜守護者》（暫名）。
劇中陳煒是一名失婚女警，有一個14歲的兒子，對展鵬有非一般的感情，她受訪時坦言：「好開心，今次係我同展鵬喺TVB第1次合作，大家多咗好多人生經歷，佢結埋婚、生埋小朋友，又做咗視帝，希望可以同佢擦出更多火花。劇入面同佢係拍檔，經過好多磨擦後產生默契，好期待。」她又指與袁文傑亦很有默契，不少人希望他們3人再合作，現在願望成真。說到劇中的兒子，她笑言：「唔係第1次做媽咪，之前張明偉都做過我個仔，應該難唔到我。不過14歲係反叛嘅年紀，我要諗番自己14歲點同阿媽相處，都係個新挑戰。」
煒哥依然Fit
至於展鵬飾演一名曾做臥底的警員，發生意外後非常失意，展鵬受訪時謂：「好耐冇同煒哥、傑仔合作，不過感覺上大家都冇乜點變，特別係煒哥，依然好Fit，變得最多應該係我。我同煒哥對上一次合作係古裝劇《大清後宮》。」展鵬指多年後可再與2人拍劇，實在難能可貴，希望會擦出新火花。