克服喪弟痛 黎美言藉工作療傷
早前經歷喪弟痛的歌手黎美言（Winkie），昨日出席商界美女胡曦文（Christy）與作家男友羅御軒舉行的「JC Happiness Charity Foundation」X《The Chill Panda》新書發布會，她說：「呢2個月，將發生咗嘅事變成正能量，積極正面啲，讓我好好學識擁抱傷痛，因為一定要面對。睇完本書，我心裏面係舒服嘅。（心情平復咗？）本身係工作狂，又唔可以放低間拳擊學校唔理，冇理由休息幾個月，所以Keep住做嘢。今年都有一位朋友咁樣走咗，近日有唔同團體邀請我去做分享。」
羅御軒透露新書籌備1年，過程中Christy給予不少意見，問是否2人的愛情結晶？他說：「書入面有2個角色，男熊貓叫Elvia，女熊貓叫BoBo，就好似我哋個慈善基金嘅吉祥物。（代表你哋？）代表香港人快樂，多啲正能量。」Christy希望助抑鬱症患者走出困境，回復身心健康。
