華納兄弟電影公司上周突然宣布來年發行的所有電影，因疫情關係會在戲院及自家影視平台HBO Max同步放映，令美國戲院商大為不滿！
與華納兄弟合作無間的英國大導演基斯杜化洛倫（Christopher Nolan）亦睇唔過眼，發文炮轟：「我哋行內最頂尖嘅電影人同最重要嘅電影明星前一晚上床瞓覺，仲以為自己係為最偉大嘅電影公司工作，但第2日瞓醒先發現係為最差勁嘅串流平台工作。華納兄弟有個良好機制，令電影人作品可以喺所有地方上映，包括戲院同住家，但佢哋呢刻摧毀緊呢樣嘢。佢哋根本唔明白損失咗乜嘢，佢哋嘅決定冇經濟上嘅邏輯，連華爾街最一般嘅投資者都睇到干擾同失效嘅分別。」
另外，有傳與華納兄弟長期合作的Legendary電影公司決定提告，Legendary來年兩部大片《沙丘瀚戰》（Dune）與《哥斯拉對金剛》（Godzilla vs. Kong）都由華納兄弟發行。