黃嘉樂飛落海救劉思希

黃嘉樂讚劉思希唔怕污糟，夠專業！

抱抱唔覺重

劇情講述思希喜歡嘉樂，但嘉樂以為思希為情輕生，故落海救她，但原來對方只是差錯腳，一場誤會。嘉樂昨日接受訪問時表示：「好彩有太陽，我都冇打底，落水嗰陣冇想像中咁凍，都係10幾度啫！我自己着住牛仔褲拍攝，濕咗都唔算好重，OK嘅！思希就有着潛水衣打底。」

• 黃嘉樂濕身抱劉思希上岸。

問到嘉樂要抱思希上水，又全身濕透，會否特別吃力？他謂：「咁思希又一啲都唔重喎！可能自己做開運動大力咗。（拍咗好多次？）又唔係，拍咗2次咋！件衫濕晒都冇得再拍，而且都驚凍，所以出盡力跑，思希都好專業，佢又唔怕污糟又唔怕濕身，好快就拍好。」

此外，前晚首播的劇集《香港愛情故事》中，嘉樂與王敏奕飾演「炮友」，劇中嘉樂說話相當有哲理，台詞過癮搞笑，更有點無厘頭，網民稱讚他劇中造型相當靚仔！