李施嬅商業考慮睇淡王浩信？

李施嬅、陳展鵬、謝雪心等昨日出席食肆開張活動，剛完成《金宵大廈2》的李施嬅，透露下月將飛加拿大拍劇，預計於當地陪媽咪過年，她說：「嗰邊疫情好爆，每日千幾宗確診，都擔心，會買定晒消毒用品，劇組都會做好安全措施。」對於有指無綫為造就王浩信攞今年視帝，令陳展鵬主演及有份唱主題曲的新劇《唐人街》被迫讓路，李施嬅表示：「花邊新聞啫！（即係浩信冇得拎？）有機會，佢演技好，但商業角度就會捧其他人，浩信演技大家認同。」