張振朗投監製喜好被迫愛悠亞

張振朗、蔡思貝、張曦雯等昨日在將軍澳電視城為劇集《踩過界II》宣傳，網民留意到張振朗由《反黑路人甲》到《踩II》都經常提起三上悠亞，剛巧他的現任女友楊偲泳與舊愛陳芷尤同是身材突出之人，問到張振朗是否特別喜歡悠亞這類型？他則笑着解釋：「其實我都係跟劇本講，唔知係監製定編審喜歡，呢個名應該唔少男觀眾都幾熟悉，所以大家先咁有反應啫！」

拍賣假牙慶功

張振朗與蔡思貝劇中的「惡心床戲」上周播出，他笑謂沒料外界反應這麼轟烈，最滿意是聽到有人說這場戲夠惡心，代表做到預期效果：「對住蔡思貝冇咩，係對住佢棚哨牙覺得核突啫。（女友有冇睇？）有，佢都覺得好過癮。」蔡思貝笑謂可以友情價$10出租假牙給張振朗，又提議若劇集成績好，騷三點式已過時，不如將假牙拍賣做慈善，張振朗則笑謂也可將劇中假腳攞出來拍賣。

張曦雯唔玩驚喜

近日忙於拍攝《白色強人II》的張曦雯則希望聖誕節放假可在家瞓覺、打機，問到可會買禮物送驚喜給男友？她笑說：「唔會，之前買禮物都唔啱大家心水，依家我哋好實際，想要咩禮物直接講。」