馬國明做秘密任務冧女友
馬國明昨日出席商場活動，透露正趕拍無綫新劇《白色強人II》廠景，外景場口暫時只得1、2個。由於拍攝時所有工作人員都會戴口罩，所以他在第4波疫情下開工亦不太擔心：「自己會特別小心，戴口罩、勤洗手。」又指原定遠赴瑞士取景，現時要視乎疫情趨勢，至於深圳的外景就必去，因為要連接第1輯戲份，暫定明年3、4月後起行。
提到今年商場騷大減，他直言賺少了外快，問會否拍住女友湯洛雯情侶檔搵銀？他甜笑：「有就最好啦！唔抗拒，最怕冇人搞騷啫！經理人講過有單位喺第4波疫情之前問過情侶價，唔知依家有冇改動。」問到跟女友如何慶祝首個聖誕節？他表示雖然要開工，但私下正進行「秘密任務」 ：「喺網上睇中咗份禮物，好可惜舖頭話香港冇嗰個款，諗緊點買好，定係揀過另一份。（係咩嚟？）唔講得o架！實用嘢，希望成日用到。」