戴祖儀罩實睇2場唔驚！

不少圈中人曾到紅館捧軒仔場，當中睇過2場的戴祖儀說：「我睇咗27號同29號，有做足防禦措施，全程戴口罩，去到邊都消毒。演唱會期間，軒仔不停提醒大家唔可以除口罩，廁所都唔好去，所以唔太擔心。我做咗1次快速檢測，可能過幾日做多次，希望其他人都冇事。」而軒仔老友王菀之及周慧敏都是尾場的座上客，王菀之表示不擔心，但亦會找相熟醫生做測試；周慧敏則表示坐在綠閘Panel位下的嘉賓席：「但如果政府需要嗰場觀眾做測試，我必定會配合。」