千嬅停工係咁食重咗20磅

楊千嬅日前作客TVB娛樂新聞台節目《StarTalk》，暢談將舉行25周年個唱的感受，今次會以劇場形式來表達這25年的歷程：「要花更多力氣同能量去演出！（疫情問題？）發生咩事都好，會以安全行先，唔得就再諗其他方法，改形式甚至取消。」問到準備工夫，千嬅自言要先減磅：「其實演出係需要Keep住練習，因為疫情休息咗成年，連生活習慣都改變咗，就係自己唔慣停咁耐，搞到不停食嘢，將平時工作嘅幹勁轉移去食嘢度，諗Rundown變咗諗菜譜，我諗我重咗20磅！有日發現睡衣都窄窄哋就知大鑊，照鏡就知好唔對路！」