電影《潛行凶間》（Inception）加拿大女星Ellen Page，於6年前出櫃自爆是女同性戀者，前日更宣布改名成為跨性別人士，大家以後要叫「他」為「Elliot」，獲圈中人支持！
今年33歲的Ellen憑《Juno少女孕記》（Juno）飾演未婚懷孕少女上位，亦曾參演《變種特攻》（X-Men）系列及《潛行凶間》，並於2014年公開女同性戀者身份，前年與女舞蹈員Emma Portner成婚，現在更宣布是跨性別者，改名為Elliot Page，要求別人以代詞「他」與「他們」來稱呼自己。
Elliot自言很幸運可以這樣宣布決定，多謝支持其決定的人。雖然他感到很高興，但亦坦承有點不安：「我亦希望大家有耐性。我個快樂係真嘅，但亦好脆弱。真相係，雖然我依家好開心，知道自己有幾好彩，但我亦好驚，驚畀人侵犯私隱、對我嘅仇恨、嗰啲所謂嘅『笑話』同可能面對嘅暴力。」最後他亦鼓勵其他受壓迫的跨性別者，自言會努力令世界更美好。
而Elliot主演的Netflix超級英雄電視劇《雨傘學院》（Umbrella Academy）去年啟播，他於劇中角色是一名女性，知情者指Elliot雖已宣布成為跨性別者，但劇組暫時不會改變其角色的女性設定。
圈中人紛紛對Elliot表示支持，美國天后Miley Cyrus留言：「Elliot好嘢！」美國同志女名嘴艾倫迪珍妮絲（Ellen DeGeneres）亦留言表示：「你嘅力量、勇氣同誠實啟發咗我。」Elliot的《變種特攻》系列舊拍檔澳洲男星「狼人」曉積文（Hugh Jackman）及同志英國男星「磁力王」伊恩麥基倫（Ian McKellen）亦留言聲援，前者表示：「我為你嘅勇氣同真誠鼓掌。」後者力撐：「你嘅聲音需要被聆聽，去鼓勵同教育我哋所有人。」