老公來港過聖誕 莊思敏進補趕造人
無綫節目《2020大事回顧》一連5晚播映，總結今年財經、兩岸、香港及國際大事，當中今年3月成為人妻的莊思敏受訪時笑說：「最大件事梗係我嫁得出啦！老公喺台灣過咗嚟陪我，會一齊過聖誕，如果繼續分開兩地，應該離婚o架喇，哈哈！（聖誕節『造人』？）我要買啲補品擺喺屋企，養吓生先！」
至於劉溫馨認為媽媽來港就是她的大事件，皆因終於有住家飯食！她又表示受疫情影響，11月生日卻未能舉行派對慶祝，莊思敏聞言笑說：「咁下年生日請番你食飯。」
另外，她們有份參演《香港愛情故事》，莊思敏劇中遇上騙子，她笑言只被騙財，遺憾未被騙色。而石修與劉溫馨則演老夫少妻，反映社會另一面。
《2020大事回顧》
播映時間：12月28日至1月1日晚上7時