羅詠怡蝦碌爆粗：冇底線係我優點
現年27歲的羅詠怡（Kosa）雖然已離開TVB的主持崗位，但在電視台工作的2年間，她主持過不少以年輕人為主的節目，包括《Y Angle》、《電競王》、《眼睛去旅行》和《#後生仔傾吓偈》，當中《後》令她人氣上升，她笑說：「最深刻係喺節目度講自己感情狀況，我話拍過10次拖，大家聽到都話我好濫，但我每次拍拖都係認真嘅。（10段關係都好短？）唔啱就唔好嘥時間，最短嗰個係中一嘅初戀，拍咗3個月，最長係現任，拍咗2年幾。（公開有男友怕唔怕流失男粉絲？）有少少，我唔掩飾，有啲男粉都好支持我。」
Kosa工作中最蝦碌的一次，也是發生在《後》，當時導演要求她和幾位主持隨心講，結果她一時忘形爆粗：「我唔小心講咗個粗口單字，唔講係乜喇！講完全場靜晒，我仲問做乜事，搞到大家NG，好尷尬，我唔知道要注意。（之後有冇再發生？）我冇，但其他後生仔就接住發生，真係難為6號（陸浩明）同馮盈盈。可能大家都係性格直率，各位小朋友唔好模仿。」
當馮盈盈女神
盈盈是眾人女神，原來在Kosa心目中也是神級，她說：「女仔都當佢係女神，我哋耐唔耐都會投票最鍾意邊個，全部人都投盈盈。（以佢為目標？）佢真係神級，既Talk得又Social，人靚身材好，做戲都好好，好值得向佢學習。」Kosa自言其優點是性格直率、沒有偶像包袱：「有嗰句講嗰句，冇底線係我優點，扮醜都OK。」
在大學修讀視覺藝術的她，從沒想過自己會從事幕前，初時覺得自己各方面也未達標。經過電視台的琢磿，她發現自己漸漸愛上演藝，現不時在網上分享美容、手作和介紹香港景點的節目，希望做綜藝節目主持和拍劇。