ViuTV節目《全民造星Ⅲ》近日熱播，模特兒黎蘊芝於首集表演欠佳，被監製花姐勸退。之後她在前哨戰中以跳舞迎戰，表演平穩，順利入選50強，但可惜在前晚播出的一集，終難逃被Out命運！
問到為何參加比賽？她表示為了已去世的爸爸：「過去1年，爸爸離開係我人生谷底，我停咗手頭上工作，收埋自己，覺得自己係黑星！直到見到呢個比賽，諗起爸爸從小鼓勵我喺娛圈發展，我好希望透過參加呢個比賽話畀爸爸知，我冇放棄，我仍然努力去追求夢想。」
