可宜網購直播 扮寵物吸客

藝人可宜近日為新城主持網購節目，個多月以來反應理想，令她非常鼓舞！早前她介紹寵物用品時，特意穿上動物衫直播，非常有心思：「我哋除咗借朋友啲貓狗之外，自己都着埋動物衫，好彩啲動物冇畀我哋嚇親。另外有集係介紹清酒，所以我都着到成個日本妹咁。（暫時賣得最好係咩？）酒，因為我哋有啲牌子未必喺街上買到。」她坦言絕大部分產品都是心水推介，並自爆是購物狂：「全部都係我哋用開飲開，想介紹畀大家。（你係咪購物狂？）我好鍾情某啲英倫牌子，因為之前喺英國讀書，所以會特登寄嚟香港，但都係趁佢減價先入貨。」