藝人杜大偉憑處境劇飾演Peter一角成功入屋，惟受到疫情影響，登台及司儀工作驟減，他決定向外發展開設廣告製作公司，並以太太名字命名，他說：「老婆係我財政大臣，我負責搵錢，佢負責使錢，名都係用佢嘅先有意義，錫老婆會發達嘛！」身為廣告界初哥，他坦言邊學邊做：「早前出席咗馬來西亞樓盤誓師大會，首次以老闆身份喺大家面前講解公司嘅業務發展，都好緊張。」
