楊張新悅天生係食家
育有4名女兒的名媛楊張新悅昨日出席活動，自言對食物甚有要求，但並非入得廚房的女人：「我係天生品嘗美味佳餚。（負責採購？）依家能夠喺網上買都喺網上買，但我比較守舊，鍾意去街市多過超級市場，會教家傭去揀啲當造食材，或者叫佢哋睇吓人哋買乜就買乜。」
講到新一輪疫情爆發，她表示很久沒出街食飯，又指其中2名女兒已停學：「另外嗰2個就過咗3年班，但應該都會好快停。（之前復課爆發上呼吸道感染，有冇擔心？）佢哋4個一間房，有機會交叉感染，Touch Wood冇事，佢哋只係因為成日唔着衫流鼻水，好似唔怕凍咁！」