藝人李日朗與黃榕昨日現身活動，李日朗透露與黃榕相識19年，對方最近成為其健身教練，他笑說：「希望佢將我呢個中年發福嘅人變成有6舊腹肌，疫情期間重咗8磅，覺得個人好鈍，我係中年發福加中央肥胖。（練大隻為結婚作準備？）為工作，唔想咁快演中年角色，仲想扮多1、2年小鮮肉，冇理由自投羅網。」黃榕讚他不怕辛苦，有潛質成為大隻仔。同場的張松枝表示最近拍了醫學美容廣告，並說：「你哋會發現我個樣唔同咗。」