陳明恩澳洲誕混血B仔
藝人陳明恩早前返娘家澳洲待產，老公鄭獻（Eddy）陪伴左右，太太穿羊水準備入產房時，他在旁拍片紀錄珍貴的每一刻。陳明恩本打算自然分娩，後來改為開刀，並於澳洲時間20日早上剖腹誕下兒子「鄭源」。
昨日兩口子在社交網開心Share全家福，並大讚囝囝靚仔：「感恩呢一位3kg嘅靚仔BB好健康，一出世就大喊，38周佢決定咗出嚟啦，我哋好多謝大家嘅祝福同埋祈禱！依家呢兩位新手媽媽爸爸好努力學習點樣照顧佢，做個好媽媽爸爸。」Eddy其後上載囝囝的正面照，留言：「話說好多人都好想知呢個Mix嘅BB會係咩樣？依家真係成功透過我哋DNA製造出嚟喇！暫時目測係啡色髮，深藍眼睛（只開過幾次眼……唔太肯定），黃皮膚！手長腳長，非常活躍……睇嚟佢大啲之後都係坐唔定喇！」