爆方中信撩交嗌忍得辛苦 莫可欣：來世唔好做夫妻！
藝人方中信與前港姐冠軍莫可欣拍拖12年，於2008年結婚，育有一女。可欣專心相夫教女，淡出幕前多年，日前她受訪，談及夫妻相處之道，坦言與丈夫常有拗撬，更希望來世不再做夫妻！可欣形容她和方中信是不同世界的人：「唔係日日都風和日麗，好多拗撬。我同佢完全係兩個世界嘅人，我要出去做嘢、佢就拍嘢，大家接觸嘅嘢好唔同，要維繫真係要遷就。通常都係佢鬧交，我最多都係黑面，但去到一個點都係好辛苦。」外界因而擔心他倆的感情問題。
方中信早年轉戰內地市場發展，經常離港工作，與家人分隔兩地。至於淡出幕前的可欣，先後當過建築公司老闆助手、形象顧問，誕下女兒後則成為全職媽媽，其後受女兒啟發，開創了Slime（俗稱鬼口水）生意。
今世當還債
近年可欣開始信佛，除了打坐唸經，她直言會跟方中信傾佛偈：「話畀佢聽因為前世有啲嘢未還到畀大家，所以先會有今世。不如今世對對方好啲，希望來世唔好做夫妻，做普通朋友。」
對於「不做夫妻論」，可欣昨日回覆稱：「我OK，一齊咁多年，一條心嘅，其實每對夫妻都有相處問題，但用佛偈大家可以溝通到，方中信都信咗佛！」