駱胤鳴過大禮 下月出嫁
組合樂印姊妹成員駱胤鳴快將榮升人妻，婚禮定於今年12月27日，本想照足傳統一早接新娘、中午簽字、夜晚擺酒，但受疫情影響，胤鳴大為憂心，昨日她說：「本身係想27號照搞，但個疫情太反覆，所以都好頭痕，酒店出門嗰part又怕staycation群組，依家未知點，見步行步，可能會細搞、低調，最緊要大家身體健康。」
昨日是過大禮日子，胤鳴在網上分享喜悅，她與未婚夫都穿上紅噹噹服飾，她直言跟媽咪、姊姊都好緊張，又笑未來老公及兄弟們氹得她媽咪開心：「我媽多咗個仔，佢勁開心，呢個女婿地位好高，奶奶話要留最大嘅花膠畀我阿媽，江瑤柱歸我，因為我成日當江瑤柱係零食。」她更乘機攤開雙手，要未來老公送她金器，非常爆笑！