陳詩欣搶輸花球 嬲爆揼晒地
陳詩欣、廖子妤與鄧穎堯昨日悉心打扮擔任姊妹團，余香凝胞妹余潔滢則擔任伴娘，齊齊應戰8人戥穿石團！談到開門利是，她們異口同聲說：「超滿意，好大疊（紙幣）！」陪着好姊妹出嫁，廖子妤被爆「1秒爆喊」，她坦言太感動：「識咗佢咁耐，終於見到佢搵到人生幸福！」
搶花球時，陳詩欣一副「志在必得」，更揚言早已跟新娘預演，可惜最終仍失落花球！事後她在社交網搞笑留言：「我尋晚咪叫咗你唔好拋咁大力。嬲咗，下半場MC唔做啦！」她受訪時自爆當場揼地：「好似人人都覺得我恨嫁！下次參加婚禮，我唔應該着高踭鞋，着波鞋比較方便搶（花球）。」
一眾姊妹對余香凝老公陸政渡（Tim）讚不絕口，覺得他對新娘子細心體貼，但談到「做契媽」時，她們只淡然說：「順其自然啦！」