狗咬留陰影頻發噩夢 Aka擁抱恐懼拍MV練膽
Super Girls隊長Aka早前到狗場做義工時，意外被狗咬傷嘴唇，要縫9針，險些毀容，幸好現在疤痕已淡得幾乎看不見。Aka憶述當時情況，指擔心破相：「好多血喺身，最驚係痛到冇乜知覺，喺度諗個嘴完唔完整，有冇畀隻狗咬爛咗。我照鏡見到嘴唇裂開咗，啲肉好模糊，好彩朋友即刻車我去醫院縫針，1個月左右就好番，我依家都成日唔記得有傷口。」
感謝朋友關心
雖然事情已經過去，但她直認對大狗仍有陰影，被咬後多次發噩夢：「之後都想去流浪狗場做義工，希望慢慢克服陰影。其實我相信大部分狗都好好，只係嗰刻有嘢觸發到佢，可能喺狗世界我有啲唔啱規矩。」然而她對小狗就冇有怕，出事後曾幫朋友看管過一隻小狗：「開頭隻狗仔嚟我屋企時，佢哄埋嚟想舔我，我都好驚即刻避開，養養吓都OK。」她又謂今次意外後知道有很多人關心自己，特別感謝同是過來人的姚子羚及小儀分享經驗。
太宅冇桃花
提到新歌《Fearless》講述擁抱恐懼，正好引證她的經歷。為新歌她做了很多大膽事，例如MV中首次穿三角泳褲、玩直立板等，衝破心理關口，但自爆仍未能克服社交恐懼症：「要我去好多人嘅party，我會好唔自在。（想介紹男仔畀你都唔得？）所以好少識到男仔，可能就係我單身多年嘅原因，我個人太宅。」