何雁詩婚後現形放屁被老公嫌棄
歌手何雁詩日前受訪宣傳新歌《基本戀愛套路》，自爆與丈夫鄭俊弘的新婚生活：「我哋嘅日常生活同MV有50%相似，我有時會用口氣叫醒佢，唔介意喺佢面前放屁，但佢嘅反應就冇MV咁Sweet，好似啲腳趾喺度撩嚟撩去、放屁，真實嘅佢會嫌煩囉！但我哋嘅日常生活好圓滿，佢義務幫手拍MV，我已經好感動！」
她又重提入行時在後台的瘀事：「當年拍《巨聲》，我好心幫其他歌手攞外套，點知唔小心跌咗落舞台同評判台中間，嚇到成間廠啲人好緊張，我為免尷尬，好似體操選手咁跳番上嚟，被封為『一廠PK王』！」