閉關籌備個唱 楊千嬅戒口有壓力
藝人楊千嬅、麗新發展主席林建岳與女友，以及弟弟林建康夫婦昨晚出席慈善基金晚宴，千嬅被問到跨年演唱會銷情如何，她透露因門票在網上剛發售，暫未知道，至於會否閉關做準備，她說：「依家都閉閉哋，出席埋兩個活動就閉，呢排主要都係做運動同記歌詞。早排食得太多，依家要獲利回吐，戒口同計卡路里食嘢。（戒得好辛苦？）有壓力嘅，所有凍嘢都唔飲得。」
至於林建康今年3月被指在英國感染新冠肺炎，昨晚見他精神不錯，只是腳步、語速均有點緩慢，他承認曾患新冠肺炎，現已康復，問到患病期間是否很辛苦，他說：「一定會，要時間慢慢好番。（留咗幾耐院？）3個月住咗兩間醫院，一間做物理治療，（喺英國）都休息咗6個月，返咗香港2個月，依家身體OK，有抗體。」問可有傳染家人，其太太黃寧艷即以入場為由未有回應，只表示老公留院期間，因未能探望而擔心。
