歌手張敬軒早前自爆因聘了新外傭弄致冇啖好食，同門師兄兼廚神謝霆鋒，原來有留意他的苦況，立刻出手相救，送上快速炮製黑胡椒味臘腸做早餐的烹調方法。在網晒「送暖」短片中，謝霆鋒指張敬軒很可憐，故親自教路示範。感動莫名的張敬軒即寫「感恩文」，卻以外傭煮的早餐「報答」：「霆鋒請我食腸呀！我的好日子來臨了，睇到我全程chok住啖口水，咁嘅大師兄喺邊度搵？佢支嘢可以放番晒啲熱氣出嚟，我講支牙籤。我想向老闆申請開套新戲畀佢，戲名我都諗埋《鋒哥係咁篤》。佢仲識得調整條腸嘅肥瘦比例，雖然最尾佢自己食番，唔緊要，我等佢返嚟親手請我食，我又親手請佢食遮遮（姐姐）嘅早餐。」