衛蘭寫歌上癮

日前衛蘭接受TVB節目《StarTalk》訪問，大談對新歌《帶走你的垃圾》的感受，她表示：「今次我有份作曲，仲嘗試埋編曲同做監製，初初都懷疑自己作嘅旋律會好老土。疫情期間我多咗喺屋企寫歌，仲寫到上癮。」她又感謝黃偉文替她填詞，營造了強勢的感覺：「之前唱太多慘情歌，係時候要有突破，做個強勢嘅形象。」談到蛇仔與睫角守宮2隻新寵，衛蘭稱牠們很易相處：「疫情期間同朋友去咗爬蟲動物店，一見到就好鍾意。我仲識得同佢哋溝通，有時我會放睫角守宮出嚟爬上牆，佢爬爬吓會回頭望住我，佢嘅眼神就好似嗌我媽咪，叫我睇吓佢。」