余香凝大食飽到攤喺度

影壇新貴余香凝將於11月奉子成婚，但準人妻依然保持勻稱身材，她自爆從小到大都喜歡食嘢：「由發育開始已食好多嘢，小學會食3碗飯，清晒啲餸。夜晚阿爸11、12點放工，返到屋企食麵，我又會食一個麵。之前去馬來西亞拍戲，我同同事喺樓下food court買好多嘢上房食，飽到好唔舒服要攤喺度抖。」她笑言早輪疫情期間是人生最肥的時候：「之前開騷要減肥，但結果搞唔成所以就係咁食，反彈到最高峰係138磅。」問到之前拍拖可有被男友嫌肥？她笑言沒有，之前拍拖對象對她寬鬆：「當我覺得自己肥而唔開心，佢就會話『你都唔肥』，我就會繼續食。我應該要搵個harsh啲嘅男友，有番啲要求就會督促到我，但我又唔鍾意嗰啲健康到極致嘅人。」