米雪凍齡騷身材索到日本

61歲日本老牌女星宮崎美子保養得宜，將推出比堅尼月曆慶祝入行40年，因而受到關注，日媒更發現香港亦有位「宮崎美子」，她就是長青女星米雪！65歲「美魔女」米雪亦於年初拍了泳裝照，她昨日受訪時透露，用了1年多時間，將原本只有98磅的瘦削身材，練到手瓜起(月展)，米雪笑言：「我唔係Show Off，只係想鼓勵同齡朋友，所以年初喺新加坡度假時，影咗健美性感相，跟大家分享一下！」她聞得日媒報道大為開心，覺得為港爭光：「我由舊年開始就日日做運動，跟周潤發跑步之外，自己都有拉筋，同跟教練做Gym操肌，希望有健美體態！」