蘇皓兒水上飄追求快感
「文青女神」蘇皓兒最近獲樓盤「帝御星濤」邀請拍攝廣告，穿水着在沙灘展示美好身段，又落水挑戰不同水上活動，散發陽光氣息的她表示：「本身好鍾意陽光海灘，覺得水上電單車最好玩，可以好安全咁喺水上飛馳，好有速度感！」她玩直立板令膝頭紅了一片，不忘分享成功秘訣：「我跪低平衡，之後先企起身曲膝，咁就好易成功，最緊要唔好驚跌！」
提到心目中的Dream House，她透露喜歡郊外、人少的地方：「最緊要開揚，最好望到山同海。如果喺屋企行大約5分鐘就可以去到沙灘，你哋話係咪好好呢？不過交通方便都好重要。」
