張曦雯預告收視40點着泳衣直播

無綫台慶劇《踩過界II》今日在myTV Gold、內地及海外平台同步上架，並於11月16日在無綫播映，昨日在電視城舉行記者會。主角王浩信、蔡思貝、張振朗及張曦雯（Kelly）等現身造勢，當中Kelly穿黑色喱士上衣透Bra，配襯短褲騷長腿，相當養眼！

王浩信非常期待新劇播出，並表示已率先睇了28集，每單官司都睇到喊。提到首輯《踩過界》收視佳，今次會否有壓力？他坦言：「一定有壓力，因為網上平台播先，但我對編劇、監製同演員都有信心。（期待收視幾多？）希望掂到3字頭。」問到若收視創佳績，會如何回報觀眾？他笑言交由Kelly負責，Kelly起初表示會穿律師袍做直播，但王浩信不收貨，Kelly之後揚言：「咁如果40點收視，我就着泳衣直播啦！但係出面加件律師袍！」

張振朗搞到蔡思貝「懷孕」

至於蔡思貝與張振朗有份主演的《使徒行者3》及《踩過界II》同期播映，他們坦言不擔心觀眾混淆，因兩劇角色分別大。張振朗自嘲沒本事打破高海寧4劇連播的紀錄，只試過連續數劇被抽起，對於《堅離地愛堅離地》終解禁於明年播出，他直呼開心：「呢套係我首次做男主角同唱主題曲，好期待，但以平常心面對，因為一日未播，仍然有變數。」思貝聞言即表示要為他集氣：「我好想睇，睇佢做戲大飽眼福，聽佢唱歌耳朵懷孕！」振朗卻笑言怕觀眾聽完耳朵流產！

此外，提到原本有份出席的秦煌活動前因身體不適送院，兩人坦言擔心，希望他沒大礙及盡快出院；而振朗表示與資深演員合作時會先拍前輩的戲份，免得他們捱夜。