鄧健泓唔敢𥄫女驚老婆鬧
藝人鄧健泓、蘇永康、組合天堂鳥（BOP）昨晚為亞姐擔任表演嘉賓，鄧健泓笑言可以奉旨𥄫女：「好開心攞正牌（𥄫女）！（之前有冇見過啲佳麗？）冇！頭先行過化妝間都唔敢望入去，驚老婆（石詠莉）鬧，今晚佢做我助手。（𥄫實你？）唔係！佢緊張我啫！呢個係大型騷嚟嘛！」
而蘇永康指今次做嘉賓是因為要還人情債，因之前開台原本擔任嘉賓，但病倒未能成事，談到身形脹爆，他說：「依家都縮番㗎喇，減咗8、9磅，會繼續減，都Check咗冇三高，身體好好。」提到好友錢國偉離世，他指會出席對方喪禮，亦會遵從家屬意思將花圈折現帛金，問到錢國偉太太是否有經濟問題？他說：「有冇都好，都會幫手。」同場還有仁美清叙主席程瑤、前亞姐冠軍梁雪瑤等嘉賓。