盧頌恩拉客按摩冚番條數
香港開電視藝人盧頌恩（妹頭）在何文田投資7位數字開設按摩店，但5月開張後僅營業2個月，便因「第三波疫情」關門2個月，直到上月才重開。她平日不用開工便到舖頭「打躉」招呼客人、介紹按摩服務，連派發傳單也親力親為，希望找多些生意填補停業的損失！
有信心半年回本
原來今次是妹頭首次做生意，全憑一股衝勁創業，她笑說：「呢單嘢係任性嘅，首先自己好鍾意按摩，初時以為係小本生意，第一次搞先會盲舂舂投資咁多，哈哈！我落重本靚裝修，好多客人就係鍾意呢度乾淨同夠寧靜，門面又唔似按摩。」
不過，開店過程中經歷不少「頭痛嘢」，包括裝修「爛尾」，加上面對疫情衝擊，妹頭慶幸復業後遇上「報復式消費」，她說：「停業畀我有機會調整吓營運，好彩呢排啲預約都爆晒。」坦言有信心能在半年內回本，更有意開分店：「係班按摩師傅想我開，因為我哋係年輕化管理講人情味，大家合作得好開心。第2間會揀港島區開，終極目標最好18區都有一間啦！」
