丁可欣養兩頭家 為出歌1蚊都要慳

獨立歌手「火雞姐」丁可欣一直堅持自資出歌，為賺錢更準備考健身教練牌，她說：「未考到牌前，呢2個月慳到盡，唔搭車改為行路，唔出街食飯改返屋企煮，直頭1蚊都唔想浪費！依家搵錢唔易，儲起啲錢做歌，蚊蚊皆辛苦。」原來她是兩頭家的經濟支柱，要照顧父母及外祖父母，一個人養7、8位成員，自言是辛苦命：「但開心嘅，感恩有能力報答家人。」