施匡翹抗拒做袁偉豪師姐

歌手施匡翹（Zaina）前日到電台宣傳新歌《差不多小姐》時自爆被嚇親！原來袁偉豪加盟公司後，Zaina再度榮升做師姐，但坦言抗拒這稱號：「我雖然姓施，但唔係師姐！佢嘅經驗、接觸嘅嘢都豐富過我，其實我可以係『施妹』（師妹），搞到我喺公司見到佢都唔敢出聲。其實公司係接觸佢先到我，計口頭承諾嘅話，佢真係師兄，希望大家口下留情。」她又興奮指好想合作，特別希望嘗試拍劇，並透露快將舉行個人Live騷，現正籌備當中。