告別主播行列陳詩欣諗起眼濕濕
身為無綫娛樂新聞台主播的「一件頭女神」陳詩欣，昨日突然在社交網宣布離開工作了3年的崗位，並與拍檔包括陳婉衡、蘇可欣及周奕瑋合照留念，她留言感謝學習機會良多：「由不擅長用言語表達自己的女孩子，變成牙尖嘴利。天天都跟你們鬥嘴的輕熟女，多謝我一班好同事嘅訓練。」
昨日她接受本報訪問時透露，將會主持節目《姊妹淘》及其他綜藝節目，但心情仍依依不捨：「好多同事知我今日走，佢哋都好驚訝，我一直仲以為佢哋係知道。（你有冇喊？）我冇，但依家講講吓都有啲眼濕濕！平時好少喺錄影廠影相，所以好多同事話一齊影相留念，我覺得好窩心！有啲同事眼濕濕，我都有安慰佢哋，我都係喺TVB度！」