鄧卓殷跟楊盼盼練武
藝人鄧卓殷（Amber）早前出席無綫慈善節目，透露剛完成綜藝節目《娛樂大家》的主持工作，近日趁空檔時間，聯同陳苑澄及李芷晴跟武打女星楊盼盼練習功夫，由於曾跳過中國舞，故尚算有少許底子，基本功亦難不到她。
Amber說：「之前喺慈善節目跟過老師練繩上操，佢形容我係辣椒仔，細細粒，可以有少少爆發力，加上啲筋都鬆，所以練武術都有優勢，最近仲學埋纓槍同雙節棍，初初未玩熟會整到自己，練泰拳踢靶唔識就力，有少少瘀傷，依家熟習咗之後好啲，希望之後有機會可以拍到相關角色。（有冇叫埋男友郭子豪一齊練？）佢都有去，因為大家工作時間唔同，所以各自各練習。」