陳俞希咀到老友硬軚
陳俞希（Hailey）參演的ViuTV劇集《暖男爸爸》正在熱播，劇中與張可頤亦師亦友，首次與大前輩合作的她坦言難免緊張：「諗都冇諗過同佢合作，坦白講，佢喺片場有種氣場。頭幾日見到佢會緊張，但之後玩得好開心，佢亦好願意同我交流排戲。親眼見到佢演喊戲話嚟就嚟，淚如泉湧，真係好勁！」
劇中，Hailey與私交甚篤的許博文（強尼）有感情線，對方更為她獻出螢幕初吻！她表示與好友拍吻戲毫不尷尬，反而強尼卻「硬晒軚」。她又坦言現實中與劇中角色感情觀相似：「過去嘅經歷令我對愛情失去信心，加上見身邊朋友就算結咗婚，都唔係特別幸福，所以依家覺得最重要開心，冇必要對一段關係負責任。」