賀李丞責牛一 陳豪口水多過茶

堪輿學家李丞責剛度過52歲生日，由於疫情關係，王浩信等好友分批與他慶祝，而陳豪與陳茵媺日前便相約壽星仔食飯，李丞責太太劉倩婷大讚他們有心：「佢哋好多年都同我哋慶祝生日，每次相聚都傾到唔捨得走。」談到李丞責最近的工作，劉倩婷說：「佢啱啱籌備出書，同埋跟伍姑娘（伍詠薇）拍完玄學節目。」縱使工作繁忙，李丞責仍堅持每朝6點起身送囡囡阡辰返學，爭取父女相處時間，做個「滿分」好爸爸！