8個月冇見！鄧麗欣男友來港慰藉

鄧麗欣、姜皓文及余香凝等，前晚在尖沙咀出席電影《殘影空間》首映禮，姜皓文自彈自唱《分分鐘需要你》冧太太，慶祝結婚周年紀念，鄧麗欣大讚他是好男人。談及月中生日時，獲身在台灣的男友「王子」邱勝翊送蛋糕，鄧麗欣說：「OK啦！疫情下都送蛋糕畀我，好有心。（掛住男友？想見面？）慣咗喇！都8個月冇見，佢安排緊時間嚟香港見面。」
鄧麗欣祈願疫情盡快過去，可以見男友。
鄧麗欣祈願疫情盡快過去，可以見男友。

至於被揭將奉子成婚的余香凝身材依然纖瘦，問到懷孕多久，她轉移話題笑說：「等電影下年喺香港上映，會帶埋另一半睇我點畀人打，戲裏面畀老公家暴，等佢做反面教材。（忙籌備婚禮？）我唔揀擇，所以唔係太忙，12月會開新戲。（有冇動作戲？）唔得啦！我咁笨拙，係輕鬆愛情戲。」

余香凝照着高踭鞋，但一舉一動甚小心。
  • 余香凝照着高踭鞋，但一舉一動甚小心。