沈殷怡冇得揀 霸氣捉曱甴

陳嘉倩（左）與沈殷怡落力騷秘技。

「姐姐」有氣勢

對於被一眾後輩尊稱為「姐姐」，嘉倩謂：「我都好後生，都會叫練美娟做姐姐，佢好有霸氣。（怕唔怕好似之前拍廣告咁，被傳蝦新人？）我都唔知發生咩事，唔係事實嘅嘢唔回應，同我合作過都知道我冇架子。」她指今次節目一眾主持需要齊齊玩遊戲，很容易打成一片，會以朋友方式相處。

自爆弱點驚出事

而沈殷怡則準備充足，迎接每集節目大考驗：「之前開製作會議，我自爆咗最驚靈異嘢同埋食辣，之前喺《金剛女神團》食辣，搞到肚屙咗成晚。我朋友笑我，話製作組一定玩我。（真係要食辣點算？）都會食，但大家要預1星期見唔到我。」原來她是女漢子一名，可以徒手捉曱甴及老鼠：「可能因為獨居，好多嘢要自己處理。」該節目之前在社交平台公開招募離職的空姐，協助她們找到新工作。

陳嘉倩彈古箏有模有樣，更準備考演奏級。

岑日珈露香肩出席記者會。