栢芝扭傷腳呻囝囝「送大禮」

不時於社交網分享生活點滴的女星張栢芝，自爆為囝囝而扭傷腳，腳踝腫到似雞蛋！她日前一如過往拍片放上網，透露不慎扭傷腳，要前往睇跌打治理，見到其腳踝明顯腫起，走動時要撐拐杖，笑言是囝囝送給她的「禮物」：「我隻腳腫咗好似一粒雞蛋咁，佢應該晏啲會再大粒啲……係阿仔送畀我，預先送定復活節禮物。」睇完跌打後，栢芝再甫相「報平安」，見其腳部已經包紮好，並留言指「Ok，冇問題」。