有情有義及樂觀的性格，為錢國偉（Wilson）帶來超過30年的友情歲月。和李克勤、鄭伊健、吳婉芳、李家聲及梁佩瑚等識於微時，互相扶持，感情好得稱兄道弟結義，他指自己排第六，克勤排第七，笑對方有「七仔勤」之稱，又自爆是其媒人：「當年克勤做港姐嘉賓，係我負責，佢已覺得盧淑儀好靚，我就安排佢帶單數號碼嘅佳麗，所以佢爭我一個漢堡包o架！」
錢國偉曾表示試過見到克勤在紅磡有大型海報，遂和伊健特意駕車去影相，怎料釀成「炒車」：「當日伊健揸車，揸揸吓瞓着，撞到反車，好彩我哋有戴帽隔咗啲玻璃碎，一齊爬番出車，撞完後佢開始紅，哈！我哋算係生死之交，當年掛住買玩具，冇錢食飯，一碗河粉兩份食。」兄弟情濃，2010年錢國偉捲入貪污案，伊健即找律師為他保釋，又安排貨車接送他以避開傳媒耳目，之後伊健的個唱更全交由他監製。