吳紫韻水着騷Quali
無綫娛樂新聞台主播吳紫韻（Purple）最近新加入清談節目《姊妹淘》，她很開心可以作多方面嘗試：「我加入咗一個月左右，拍攝時唔會太緊張，因為班幕後團隊之前有合作過，加上同部分主持本身都識，佢哋都好照顧我。」
Purple在其中一集介紹酒店宅度假，趁機穿上泳衣大騷身材：「我自己暫時未有時間去宅度假，惟有工作時候扮吓嘢影吓相，因為已經秋天，冇乜機會着泳衣，我今年都好少出海，只係滑過一兩次水。」她自覺好彩，在疫情下仍然有工作，非常感恩：「主播工作加《姊妹淘》錄影，時間好充實，加上最近有商場工作搵我，我都好驚喜，有公司以外嘅收入，因為我已經大半年以上冇出面嘅收入。」她又指最近開始上演藝堂，希望將來有機會拍劇作多方面發展！