泳兒被「叮」醒 養身雪卵

日前泳兒（Vincy）作客TVB娛樂新聞台節目《StarTalk》，大談對其暗黑風歌曲《溝渠暢泳》的感覺。泳兒的工作也受疫情影響，她說：「雖然收入同事業受影響，但放慢嘅生活，多咗時間沉澱自己。（更加養生？） 之前試過失聲，更加照顧自己嘅聲帶同身體，所以每朝早都會蒸鼻7分鐘同用椰子油漱口廿分鐘。（會否保養身子雪卵？）之前見到報道都有『叮』咗一下，係咪應該都做，但又真係冇Research過。我唔抗拒有小朋友，但暫時未Ready，因為有小朋友責任好大。（想結婚還是開紅館先？） 想快啲有機會開紅館先，因為結婚冇年齡期限，只係一張紙，如果年紀大開紅館，始終體力同聲帶一定有影響。」