JW湊B稱職諗定生幾多個

歌手JW（王灝兒）早前榮升姨姨，她自誇做得好稱職︰「變咗司機咁，因為BB成日要去檢查，有時車完家姐、BB，就再車埋媽咪。（成日探BB？）唔會經常，我日日都出去做嘢，好驚有菌，完全唔想冒呢個險！」又自爆第一次見BB未抱就已經感動到喊︰「知道家姐成個懷孕過程唔容易，所以我覺得呢件事係好神奇。（有嚇窒你唔生B？）又冇，依家屋企有咗BB好開心，我覺得呢樣嘢係媽媽嘅偉大，我相信將來我都可以咁偉大，哈哈！（會生幾多個？）之前以為生好多個係好簡單，但原來唔係，所以兩、三個就夠。」