欣宜想去頒獎禮見老友

歌手鄭欣宜昨日錄影ViuTV音樂節目《Chill Club》，坦言受疫情影響，已很少上電視唱歌，開心重回以前的熱鬧感覺。記者打趣指她經常見老友許廷鏗，她笑說：「我想對啲鼻窿冇咁大嘅人！（佢呢排鍾意煮嘢食？）點解我冇份食？但佢煮我都唔敢食！」有指《叱咤》打算復辦實體頒獎禮，她表示不清楚：「啱啱出歌，未了解。（恨有實體頒獎禮？）實體嘅話，可以成個樂壇走埋一齊，同成班朋友一齊感覺開心，但當然安全最緊要。」