張筠恨做打女 後悔細個唔練功
星二代張筠（Christy）是70年代女星文雪兒的掌上明珠，外表斯文但實質是個女漢子，還是運動健將，卻後悔小時候偷懶沒有學功夫！為圓打女夢，她現時急急補救，有意找三姨媽元秋傳授幾招。
樣貌甜美的Christy被指貌似有「最強小三」之稱的韓星韓素希，但她自覺似媽咪：「由細到大啲人都話我似媽咪，我都好開心似佢，因為我覺得媽咪好靚！如果嚟緊拍戲，都想兩母女合作，我哋可以演另類角色，試啲同現實生活唔同嘅都幾好。」Christy笑容夠Sweet，自己亦最為滿意，她說：「我鍾意笑，成日帶畀大家開心！我想拍戲又想做模特兒，最唔滿意就係身材，覺得可以再瘦啲。」
從外形看，沒想到Christy是運動健將，大學時玩閃避球，更代表香港參賽，她說：「我由細到大都好動，好鍾意玩球類運動，但就後悔細個冇學好功夫，因為屋企人都有功夫底，拍戲想向打女方面發展，所以想搵三姨媽（元秋）教我功夫。」
讚彭于晏有型想合作
Christy又自覺有搞笑天分，有機會都想做諧星：「我好鍾意吳君如，細個好鍾意扮佢喺《家有囍事》嘅角色，扮佢喺床上碌嚟碌去。（最想同邊個男星合作？）男神彭于晏！覺得佢係好努力嘅人，為咗角色好努力去練習，而且有型又靚仔。」
Profile
身高：1米65
三圍：32、25、37
學歷：倫敦大學土木工程系碩士