被轟醜化法國人 型廚Lucas幫口補鑊
《艾蜜莉在巴黎》最多人談論的絕對是劇中的靚衫，單是女主角莉莉已有數十造型！曾為時尚劇集《色慾都市》（Sex in the City）設計服飾的美國殿堂級時裝設計師Patricia Field，為莉莉的造型花盡心思，除找來世界各地著名品牌服飾外，連道具亦一絲不苟，當中莉莉所用的舊式相機形手機殼，就是Patricia年多前在南韓「尋寶」所得。
不過，劇集受歡迎的同時，亦被法國傳媒批評對法國人有嚴重偏見！有法國娛樂網站狠批該劇膚淺兼無稽，將法國人醜化成傲慢、污糟、懶惰及刻薄；另有傳媒批評：「劇中嘅法國人全部食煙，而且到死嗰日都喺度調情！」對於種種負評，飾演型男廚師Gabriel的靚仔新星Lucas Bravo出言護航：「佢哋唔明白呢個只係單一視野，所以就覺得：『呢個並唔係真正嘅巴黎。』當然！巴黎係有好多嘢。」而他亦大讚：「巴黎係全世界最多元化嘅城市之一，花一生嘅時間都唔足夠去了解巴黎嘅一切。」