丟低細路好難捱 鍾嘉欣可能唔再拍劇
鍾嘉欣昨日為劇集《兒科醫生》主題曲《好好珍惜自己》拍MV，星夢老闆何哲圖特地到場探班。嘉欣透露歌曲是她半年前所作：「我有份拍呢套劇，覺得首歌好適合，係絕配。填詞人將我要表達嘅嘢美化同昇華，我聽完都喊。」
專程由溫哥華返港拍劇的她已逗留3個月，還有36日戲份，她坦言：「好掛住小朋友，比我想像中難捱，之前諗住來港兩個月安頓好，小朋友就飛過嚟，但香港疫情又爆發，所以打亂咗計劃。」問到有此經歷，下次還願意返港拍劇嗎？她坦言不太敢：「所以呢部可能係最後一部劇，又有可能十年後再拍，因為拍劇一走要走咁耐，做媽咪好難抽離，再拍要考慮清楚！」