陳芷尤遊避疫勝地 脫「疲」吸靈氣

現年31歲的陳芷尤自從轉戰新加坡後，工作包括電影和網絡劇都接踵而來，發展不俗，人氣不減！然而近期當地疫情肆虐，所以她會到空氣流通的戶外地方，過番個「避疫假期」！她推介的「避疫勝地」包括：聖淘沙沙灘、自然遺產The Green Corridor和空中冒險公園Treetop Walk，可以減輕「抗疫疲勞」及吸收大自然靈氣，精神煥發，思想都正面啲！

約閨蜜玩餐飽

一向愛陽光海灘的陳芷尤，覺得要與眾同樂才有氣氛，故日前相約閨蜜去沙灘暢泳，她說：「新加坡有好靚嘅沙灘，不過之前就擠滿遊客，但最近因為疫情，所以都人流疏落，我除咗玩滑浪，都會享受陽光海灘，因為我好鍾意游水，嗰次人流唔算太多，先有機會喺廣場影咗一張全身相，記得呢個場景，之前冇疫情時候係擠滿人嘅！」至於The Green Corridor，就以參觀為主，這處最有特色是火車鐵路；而Treetop Walk則是被叢林包圍，又有水塘景色，陳芷尤覺得散步後特別心曠神怡。

坐喺度曬日光浴Hea吓，享受休閒下午。	陳芷尤在景點軌道上影相，大騷長腿。	邊行邊睇風景，一舉兩得。

聖淘沙白沙灘

新加坡這個人工開發的海灘，以白沙見稱，沙灘亦是當地人巧手創造出來的美景，雖然屬於人工傑作，但海灘上的軟沙則是百分百「純天然」，由鄰國馬來西亞入口，所以陳芷尤除了出海滑水外，都會踩吓沙，釋放負能量。而遊客除了可以漫遊一間又一間的海灘酒吧外，更可與幾位閨蜜齊齊在溫暖水域區嬉戲，又或者在棕櫚樹下找個安靜地點輕鬆睇書，享受休閒下午，而陳芷尤則愛曬日光浴。

The Green Corridor

陳芷尤以T恤及超貼身短褲裝束遊The Green Corridor，她稱這個綠化林地是貫穿新加坡南部的火車站到北部的馬來西亞邊界，曾經是馬來西亞火車的軌道，但後來軌道被移除，現在變成一條慢跑者和騎自行車人士的道路。

這裏每年一次舉辦10公里的綠色長跑，陳芷尤踩在這片土地上，不忘大騷長腿和蜜桃臀曲線，與這個自然遺產景點，構成一幅美極的畫面。

Treetop Walk

這個空中冒險公園Treetop Walk，主要是步行遊覽為主，陳芷尤閒時以這個景點作為行山之地，做運動之餘又可以吸靈氣，她說：「好彩的話，大家可能會見到野豬、蜥蜴和猴子，但記住只可遠觀，不要近距離接觸！」並建議大家如有機會遊覽，最好約埋三五知己，當一起遠足，該處的樹梢吊橋風景優美，值得一去再去。